Bu yaxınlarda internetdə belə bir aksiya ilə rastlaşdım (Marmax). Əvvəl bu haqda Mak.az`da oxumuşdum. Sonra isə Lent.az da gördüm reklamını. Deməli linklərdən də oxuya biləcəyiniz kimi reklam kompaniyası bundan ibarətdirki, 250 manat qarşılığında 170.000 göstərim əldə edirsən və bu göstərim haqqı 5 sayt arasında paylaşır. Kompaniya isə yanvar ayı müddətincə keçərlidir. Ümumiyyətlə reklamları göstərim başına vermək, reklamverənlər üçün çox sərfəlidir. Beləcə aylıq reklamlardan canın qutarır və daha sərfəli reklam kompaniyası aparmaq mümkün olur. Əslində çox sərfəli və gözəl təklifdir. Amma qıraqdan bu qədər ideal görünsə də, çatışmamazlıqları da var.
Siyahıda dediklərinə görə TOP 5 saytda reklam olacaqmış:
Əvvəla mənə maraqlıdırki bu TOP 5 məsələsini kim, hansı kriteryalara görə təyin edibdi?! Bundan əvvəl də bir xeyli post yazmışam bu reytinq məsələlərinə görə. Postların hərəsində də müxtəlif mövqelərdən yanaşmışam. Bizim saytlar statistikaları açıq təqdim etmirlərki onlar haqqında dəqiq fikir formalaşsın. Digər tərəfdən, elə ümumi fikirlədə bilmək olar ki, bu saytlardan daha reytinqliləri də var. Məsələn Apa və Lent.az`ın üzv olduqları ilk10.az statistika sistemindən bunu müşahidə eləmək olar. Ya da ümumi götürdükdə xəbər saytları arasında belə day.az , trend.az kimi rəqibləri var.
Digər tərəfdən, onsuzda reklam göstərim sayınadırsa, reklam verən üçün nə fərqi həmin o saytlar TOP 5 oldu ya TOP 6-10 oldu? İstəyir o siyahıdakı saytın reytinqi gündəlik olsun 1 milyon. Bunun mənə bir xeyri olmayacaqdı. Çünki mən konkret olaraq reklamın nə qədər göstərilməsini əvvəlcədən bilirəm və seçmişəm. Gündəlik 1 milyon olsa belə mənim reklamım cəmi-cümü onun 170 minindən istifadə edəcək. Yəni buradan belə bir nəticə meydana çıxır ki, burada əsas olan saytın reytinqi deyil. Normal göstəricilərə malik sayt olmağı kifayətdir. Yəni əsas mənə lazım olan auditoriyaya xitab edən saytlarda reklamın gösrənməyidir. Mümkündürsə yaş, ölkə/şəhər və s. kimi amillər də nəzərə alınmağını istəyərdim reklam verən biri kimi. Yəni burada əsas etibarı ilə gözə soxulan TOP 5 sayt məsələsi heçdə qabardılması lazımlı bir məsələ deyil.
Keçək digər mərhələyə. Məsələn bu saytlar mənim istədiyim auditoriyadır. Mən xəbər saytlarını gündəlik oxuyan daha çoxluq bir kütləyə məhsulumu göstərmək istəyirəm. Onda diqqət yetirilməsi gərəkən digər məqam da var. Bu saytların harasında mənim reklamım görsənəcək. Mənim üçün şəxsən əsas maraqlı olan amil budur. Digər tərəfdən adı çəkilən saytların hamsında reklam yerləri həddindən artıq çoxdur. Bu isə reklamın effektivliyini şübhə altında qoyur. Məsələn yuxarıdakı sıra ilə saytlarda neçə reklam yeri var yazıram. 1-14, 2-13, 3-14, 4-15, 5-21 . Yəni ən az 13 reklam yeri var. Bu isə ümumi standartlara görə həddindən artıq çoxdur. Yəni mənim bu saytlardan hansısa birinə verəcəyim reklam sadəcə olaraq itib-batacaq. Bəlkə prestij reklamı kimi fikirləşmək olar, effektiv reklam əsla. Reklamın effektiv olması üçün, səhifədə az reklam yerinin olmağı lazımdırki, reklamlar nəzərə çarpsın. Əsasən bir səhifədə ən çox 4-5 reklam yeri olmalıdır. Hətta Google Adsense belə bir səhifədə 4-5 adsense reklamından artıq yerləşdirilməsinə icazə vermir. Yəni belə 13 reklam yeri kifayət qədər çoxdur.
Uzun sözün qısası, bu saytların heç birində reklam sərf eləmir… Az büdcə ilə, sərfəsiz reklam.
( adamin sebri qalmir ee oxuyana kimi 
Az büdcə ilə çox reklam ?! http://ff.im/-dPnfa
This comment was originally posted on Twitter