Bu gün AİF`in toplantısında idik.  Əsas müzakirə mövzumuz Milli Net idi. Müsabiqənin jürilərinə səsvermə prossesi ilə bağlı məlumat verildi. Sistemin  mərhələləri izzah olundu.  Bu barədə millinet.az`da ətraflı məlumat veriləcək.  Mən sadəcə təqdimatı yerləşdirirəm:

Uzun müddətdir Azərbaycan internetində fəaliyyət göstərən saytlardan biri olan ilk10.az`dan yeni xəbərimiz var.
Düzü bu səhər ilk10-dan ilk olaraq pis xəbər almışdım. Twitterdən gələn xəbərə görə sayta index atılmışdı. Sonra bu xəbəri Qwertydə də gördüm.  Amma əsas xəbər bu deyil.  Əsas xəbər:

Artıq ilk10 Bakıya köçdü.

Yəqinki hər kəs müşahidə etmiş olar, son vaxtlatda ilk10`un serverində tez-tez problemlər yaranırdı. Sayt çox ağır işləyirdi.  Bəzən gün ərzində tamamilə fəaliyyətsiz qalırdı.  Bu ilk10-a üzv saytlarda da mənfi əksini tapırdı. Sayğacla açılmırdı, səhifə görnüşünü itirirdi. Amma belə görsənirki bu problemlər tamamilə arxada qalacaq.  Çünki ilk10 indi Azərbaycanda yerləşən serverlər üzərindən fəaliyyətini davam etdirəcək.  Saytın yaradıcılarından Emin Hüseynovun verdiyi xəbərə görə, Delta Telecom tərəfindən verilən serverlər kifayət qədər yüksək göstəricilərə malikdir.  Kiçik informasiya olaraq Dual Xeon serverin 4Gb ram  ilə olduğunu deyə bilərik. Mən yazını yazan vaxt ilk10-a bir daha girdim, sayt artıq aktivdir və sürət  çox aydın nəzərə çarpır. İlk10-u heç belə sürətli görməmişdim. Ümid edirəmki bundan sonra artıq əvvəl olduğu kimi yenilikləri daimiləşdirərlər.

Bu arada hack barədə də soruşdum. Bu wordpress ucbatından baş veribdi. Yəqinki xatırlayarsınız, bi müddət əvvəl köhnə versiyalarda olan bir xəta haqqında xəbər verilmişdi və blogların yenilənməsi tövsiyyə olunmuşdu.

Bu dəfə yayı çəkib, oxu atırıq sosial platformalar tərəfə. Bildiyimiz kimi MilliNet`imizin ən papulyar modası mıx.az tipli saytlardır. Deyəsən artıq getdikcə onunda rəqibi yaranır. İndi yeni modamız Sosial Şəbəkələrdir.  Son bir ildə o qədər çox açılmağa başladılarki. Hətta açıldıqları kimi çoxdan əl yelləyib, vida edənlərda var aralarında.  Əslində bu tip mövzuları əsasən yazmırdıq. Bu dəfə fərqli yanaşma tərzinə səbəb proyektin müəllifidir. Nəzərə alsaq ki, sosial şəbəkə kifayət qədər böyük proyektdir və indiyənə qədər sosial şəbəkələr əsasən maddi cəhətdən kasad büdcə ilə işə başlayırdılar. Buna görə də onlardan adam fövqaladə nəsə gözləmir.  Amma bu dəfə yaxşı başlanğıc üçün imkanlar var idi…
(Ətraflı oxuyun…)

Oxatanda offline olduğumuz uzun müddət ərzində bir çox yeni saytlar fəaliyyətə başladı. Barcamp silsiləsindən növbəti böyük tədbir həyata keçirildi. Yeniliklər arasında xoş sözə layiq olanlarda, tənqid oxlarına tuş gələnlərdə az olmadı. Ancaq onlar haqqında müxtəlif fikirlər söylənildiyi üçün yenidən onların üstünə qayıtmaq istəmirəm.  Əvəzində müxtəlif araşdırmaları yazmaq daha məqsədəuyğundur deyə düşünürəm.  İndi isə mənim üçün ən aktual məsələlərdən biri Milli Net – internet mükafatıdır.  Bu yazı yayımlana qədər olan statistika:

• Cəmi saytlar: 189
• Qəbul edilən saytlar: 129
• Təsdiq gözləyən saytlar: 8
• Qəbul edilməyən saytlar: 52

Mükafat haqqında onu deyə bilərəmki şəffaflıq maksimum dərəcədədir. Yekunlardan sonrada bunu aydın görmək olacaq.  Bunu elə ilk başdanda da müşahidə etmək olur. Çünki müsabiqədə imtina edilən saytlara bunun səbəbləri əvvəlcədən aydın yazılır və həmin səbəblər aradan qaldırıldıqdan sonra o müsabiqədə iştirak edə bilər. Ən əsas müsbət xüsusiyyət isə Azərbaycan dili versiyası olmayan saytların iştirak edə bilməməsidir. Müsabiqənin gedişi zamanı yeni və maraqlı olacaq məlumatları Oxatan üzərindən sizə çatdırmağa çalışacam. Düşünürəmki Barcamp`dan sonra bununlada Azərbaycan internetində yeni bir ənənənin başlanğıcı olacaq.

Uzun zamandırki Oxatanda yazmağa ara vermişdik.  Səbəb yazmağa vaxt qalmadığından idi. İstər Universitetin son kursunda oxumaq , istərsədə Barcamp qarışıq bir sıra işlərin olması blogingə vaxt ayırmağa imkan vermirdi. Ancaq ilk fürsətdən yenidən blogosferaya salam demək qərarına gəldik. İlk əvvəl blogu Wordpress platforması ilə əvəzləşdirdik. Dizayn isə hazır şablondur hələki. Hesab edirəmki yazıları oxumaq üçün ilk başda bu şablonda kifayət edər. İmkan etdikdə yeni şablon da əlavə edəcəyik.

Yeri gəlmişkən Oxatanda 1 ildən xeyli çoxdurki yazırdıq. Həmin arxivə buradan baxa bilərsiniz.